ఇప్పుడు ఏ సినిమా బడ్జెట్ చూసిన కోట్ల లో నే ఉంటుంది. ఒక సినిమా హీరో తీసుకొనే రెమ్యూన‌రేష‌న్స్ కోట్లరూపాయలలోనే …హీరోల రెమ్యూన‌రేష‌న్స్ దిమ్మ‌తిరిగే రేంజ్ లోఉన్నాయి. మ‌రి 1980లో వీటి ప‌రిస్థితి ఏంటి? అప్ప‌టి టాప్ హీరోల రెమ్యున‌రేష‌న్స్ ఎంత‌?అప్పట్లో అగ్ర కధానాయకులుగా ఉన్న ఎన్టీఆర్ ,ఏఎన్ఆర్,ఎస్విఆర్, క్రిష్ణ,శోభన్ బాబు సినిమా కు ఎంత తీసుకునేవాళ్ళు ? ఈ వివ‌రాలు ఇప్పుడు తెల్సుకుందాం!

విశ్వ విఖ్యాత నటసార్వభౌముడు ఎన్టీఆర్,అప్పట్లో ఎన్టీఆర్ తో సినిమా చేయాలి అంటే దాదాపు 35 లక్షల నుండి 40 లక్షల బడ్జెట్ అయ్యేది . ఎన్టీఆర్ సినిమా అనగానే కమర్షియల్ గా ఎన్నో హంగులు అద్దాల్సి వచ్చేది,అందుకే బడ్జెట్ కూడా చాల ఎక్కువగా ఉండేది. అన్నగారు ప్రతి సినిమాకు 12 లక్షల వరకు రెమ్యునరేషన్ తీసుకునేవారు, అప్పట్లో సౌత్ లోనే ఎక్కువ రెమ్యునరేషన్ తీసుకున్న హీరో ఒక్క ఎన్టీఆర్ మాత్రమే .

తెలుగు సినిమా తొలినాళ్ళ అగ్రనాయకులలో ఏఎన్ఆర్ ఒకరు ,తెలుగులో తొలి ద్విపాత్రాభినయం చేసిన నటుడు అక్కినేని నాగేశ్వరరావు. ఈయన సినిమాలకు 30 లక్షల వరకు బడ్జెట్ అయ్యేది . ఆరోజుల్లో ఏఎన్ఆర్ ఒక సినిమా కు దాదాపు 10 లక్షల వరకు రెమ్యునరేషన్ తీసుకునేవాడు.భారతీయ సినీ రంగంలో అక్కినేని చేసిన అత్యుత్తమ సేవలకు గాను గౌరవ పద్మవిభూషణ్ అవార్డును అందుకున్న తొలి తెలుగు నటుడు.

1980ల్లో తెలుగు సినిమా హీరోగా ప్రజాదరణ సాధించి సూపర్ స్టార్‌గా ప్రఖ్యాతి పొందాడు. తెలుగులో తొలి జేమ్స్‌బాండ్ సినిమా (గూఢచారి 116), తొలి కౌబాయ్ సినిమా (మోసగాళ్ళకు మోసగాడు), తొలి ఫుల్‌స్కోప్ సినిమా (అల్లూరి సీతారామరాజు), తొలి 70 ఎంఎం సినిమా (సింహాసనం) వంటివి కృష్ణ నటించిన సినిమాలే.అప్పటి స్టార్ హీరోలలో ఒకరైన క్రిష్ణ సినిమాలకు 20 నుంచి 25 లక్షల వరకు బడ్జెట్ అయ్యేది . ఆయన కూడా ప్రతి సినిమాకు 7 లక్షల వరకు రెమ్యునరేషన్ తీసుకునేవారు .

ఆంధ్రుల అందాల నటుడిగా తెలుగు వారి మదిలో నిలిచిపోయిన నటుడు శోభన్ బాబు,టాలీవుడ్ సోగ్గాడుగా పిలుచుకునే శోభన్ బాబు సినిమాలకు 20 లక్షల వరకు బడ్జెట్ అయ్యేది .ఈయన కూడా ప్రతి సినిమాకు 7 లక్షల వరకు తీసుకునేవారు.

మెగాస్టార్ చిరంజీవి అప్పుడ‌ప్పుడే హీరోగా ఎదుగుతున్నారు ,తెలుగు సినిమా ఇండస్ట్రీలో ఎన్టీఆర్ తరువాత ఆ స్థాయిలో అభిమానించదగ్గ నటుడు మెగాస్టార్ చిరంజీవి.సినిమాకు 17 లక్షల వరకు బడ్జెట్ అయ్యేది.ఈయనకు ఒక్కో సినిమాకు 4 లక్షల వరకు రెమ్యునరేషన్ ఇచ్చేవారు . పసివాడి ప్రాణం తర్వాత చిరంజీవి రెమ్యునరేషన్ భారీగా పెరిగింది . పసివాడి ప్రాణం చిత్రం ద్వారా తెలుగు తెరపై మొట్టమొదటి సారిగా ‘బ్రేక్ డ్యాన్స్’ చేసిన ఘనత చిరంజీవి కే దక్కుతుంది.